ໂຄງການສົ່ງເສີມຄວາມເປັນເຈົ້າການ ກ່ຽວກັບ ສິດທິດ້ານການສຶກສາ ຂອງອົງການຊາຍຟັນ ປະຈໍາ ສປປ ລາວ
ໃນເດືອນກໍລະກົດ 2022, ໂຄງການສົ່ງເສີມຄວາມເປັນເຈົ້າການ ກ່ຽວກັບ ສິດທິດ້ານການສຶກສາ ຂອງອົງການຊາຍຟັນ ປະຈໍາ ສປປ ລາວ ທີ່ໄດ້ຮັບທຶນສະໜັບສະໜູນ ຈາກ #ສະຫະພາບເອີຣົບ ພ້ອມດ້ວຍວິຊາການຈາກຫ້ອງການສຶກສາທິການ ແລະ ກິລາເມືອງ ຊໍາເໜືອ ໄດ້ສໍາເລັດຈັດການຝຶກອົບຮົມ ວິທີການຕິດຕາມໂດຍອາໄສຊຸມຊົນເປັນຫຼັກຕາມຂະບວນການນໍາໃຊ້ແທັບເລັດໃຫ້ສະມາຊິກກຸ່ມອົງການຈັດຕັ້ງທາງສັງຄົມຂັ້ນບ້ານ ໃນ 9 ບ້ານເປົ້າໝາຍ ທີ່ ເມືອງ ຊໍາເໜືອ, ແຂວງ ຫົວພັນ.
ວິທີການຝຶກອົບຮົມການຕິດຕາມໂດຍອາໄສຊຸມຊົນເປັນຫຼັກຕາມຂະບວນການນໍາໃຊ້ແທັບເລັດ ແມ່ນນໍາພາໂດຍທີມງານ ອົງການຊາຍຟັນປະຈໍາ ສປປ ລາວ ແລະ ຈັດຕັ້ງປະຕິບັດການຝຶກອົບຮົມເປັນເວລາ 2 ວັນ ເພື່ອກວມເອົາຈຸດສຳຄັນຂອງວິທີການກວດສອບຊຸມຊົນ-ດີທີ່ສຸດ (CBM) ເຊັ່ນ: ວິທີການເລືອກມາດຕະຖານຄຸນນະພາບ, ວິທີການປ້ອນຂໍ້ມູນເຂົ້າໃນການຕິດຕາມ, ຮູບແບບ ແລະ ວິທີການນໍາໃຊ້ເຕັກໂນໂລຊີແທັບເລັດ, ການນໍາໃຊ້ຊັອບແວ KoBo ເພື່ອເກັບກໍາ ແລະ ສະຫນອງຂໍ້ມູນ.
ກອງປະຊຸມຝຶກອົບຮົມເປັນກອງປະຊຸມແບບໂຕ້ຕອບທີ່ຜູ້ເຂົ້າຮ່ວມສາມາດເພີ່ມຄວາມຄຸ້ນເຄີຍກັບການນໍາໃຊ້ແທັບເລັດ ແລະ ຊອບແວ, ເຊັ່ນດຽວກັນກັບຄູ່ມືການຝຶກອົບຮົມທີ່ພັດທະນາແລ້ວ. ຫຼັງຈາກການຝຶກອົບຮົມ, ທີມງານໂຄງການ ຮ່ວມກັບ ວິຊາການຈາກ ຫ້ອງການສຶກສາທິການ ແລະ ກິລາ ໄດ້ສໍາເລັດການມອບແທັບເລັດໃຫ້ແກ່ກຸ່ມອົງການຈັດຕັ້ງທາງສັງຄົມໃນຂັ້ນບ້ານ ເພື່ອປະຕິບັດຕິດຕາມ-ລາຍງານຄວາມຄືບໜ້າໃນການຈັດຕັ້ງປະຕິບັດແຜນພັດທະນາໂຮງຮຽນ ໂດຍມອບໃຫ້ບ້ານລະ 1 ເຄື່ອງ.
