ຂ່າວສານ

ອົງການຊາຍຟັນ ປະຈໍາ ສປປ ລາວ ໄດ້ຈັດກອງປະຊຸມປິດທ້າຍໂຄງການ ແລະ ມອບຕໍ່ໃຫ້ແກ່ພາກລັດ ໂດຍຜ່ານກອງປະຊຸມລະບົບອອນໄລ ໃນວັນທີ 24 ທັນວາ 2021​ ທີ່ຜ່ານມາ

ໃນວັນທີ 24 ທັນວາ 2021, ໂຄງການຂະຫຍາຍໂອກາດການເຂົ້າເຖິງການສຶກສາຂັ້ນພື້ນຖານ (SABEL) ແມ່ນໂຄງການທີ່ໄດ້ຮັບທຶນສະໜັບສະໜູນຈາກອົງການຊາຍຟັນເກົາຫຼີ ໂດຍຜ່ານອົງການຊາຍຟັນ ປະຈໍາ ສປປ ລາວ ໄດ້ຈັດກອງປະຊຸມປິດທ້າຍໂຄງການ ແລະ ມອບຕໍ່ໃຫ້ແກ່ພາກລັດ ໂດຍຜ່ານກອງປະຊຸມລະບົບອອນໄລ ໃນວັນທີ 24 ທັນວາ 2021​ ທີ່ຜ່ານມາ.

ໂຄງການນີ້ເລີ່ມຈັດຕັ້ງປະຕິບັດແຕ່ວັນທີ 1 ກໍລະກົດ 2018 ຫາ 30 ມິຖຸນາ 2021 ແລະ ໄດ້ຂະຫຍາຍເວລາຈັດຕັ້ງປະຕິບັດອີກ ແຕ່ເດືອນ ກໍລະກົດ – ທັນວາ 2021.
ຈຸດປະສົງຫຼັກຂອງໂຄງການແມ່ນເພື່ອ
✅ ເດັກຍິງ ແລະ ເດັກຊາຍປັບປຸງການອ່ານ ແລະ ຜົນການອ່ານ ແລະ ການເວົ້າພາສາລາວ.
✅ ຄະນະພັດທະນາການສຶກສາຂັ້ນບ້ານ, ພໍ່ແມ່ ແລະ ຄອບຄົວ ສະໜັບສະໜູນການຮຽນຂອງເດັກ.
✅ ທົບທວນ ແລະ ປັບປຸງແຜນການສອນຫ້ອງຄວບ.

✅ ເດັກນ້ອຍເຂົ້າເຖິງການສົ່ງເສີມສຸຂະອະນາໄມທີ່ດີ ທີ່ໄດ້ຮັບການປັບປຸງໃນໂຮງຮຽນ.

ໂຄງການໄດ້ຈັດຕັ້ງປະຕິບັດຢູ່ໃນ 62 ບ້ານເປົ້າໝາຍ ຂອງເມືອງຫົວເມືອງ ແຂວງຫົວພັນ, ໂດຍມີພະແນກສຶກສາທິການ ແລະ ກິລາ ແຂວງຫົວພັນ ແລະ ຫ້ອງການສຶກສາທິການ ແລະ ກິລາເມືອງຫົວເມືອງ ເປັນຄູ່ຮ່ວມງານ.

ອົງການຊາຍຟັນ ປະຈຳ ສປປ ລາວ ຈະປຶກສາຫາລືຮ່ວມກັບພະເເນກ ສກຂ ແລະ ຫ້ອງການ ສກມ ເພື່ອມອບຕໍ່ບັນດາກິດຈະກໍາ ເຊື່ອມສານເຂົ້າກັບວຽກປົກກະຕິຂອງເຂົາເຈົ້າ ແລະ ຈັດຕັ້ງປະຕິບັດຮ່ວມກັນ.

ນອກຈາກນັ້ນ, ກໍ່ຍັງຈະສືບຕໍ່ຫາແຫຼ່ງທຶນ ເພື່ອສືບຕໍ່ປະຕິບັດວຽກງານສົ່ງເສີມການສຶກສາຂັ້ນພື້ນຖານຕື່ມ 2-3 ປິ ຢູ່ໃນພື້ນທີ່ ໂດຍປັບປ່ຽນກິດຈະກໍາ ແລະ ວິທີການຈັດຕັ້ງປະຕິບັດທີ່ເປັນໄປໄດ້ ແລະ ເໝາະສົມ ເພື່ອເສີມສ້າງຄວາມເຂັ້ມແຂງຮ່ວມກັນກັບ ພາກສ່ວນ ສກຂ, ສກມ ແລະ ຂັ້ນໂຮງຮຽນ ແລະ ຊຸມຊົນ.