ຈຸດປະສົງເພື່ອໃຫ້ຜູ້ເຂົ້າຮ່ວມມີຄວາມເຂົ້າໃຈ ແລະ ສາມາດນໍາພາກິດຈະກໍາ ແລະ ຖ່າຍທອດບົດຮຽນກ່ຽວກັບ ທັກສະຊີວິດທີ່ຈຳເປັນ ໃຫ້ກຸ່ມເດັກຢູ່ໃນໂຮງຮຽນທີ່ຕົນເອງຮັບຜິດຊອບ. ເຊິ່ງຫົວຂໍ້ທັກສະຊີວິດລວມມີ: ສິດທິພື້ນຖານຂອງເດັກ, ທັກສະຊີວິດ, ການວິເຄາະບັນຫາ, ຄວາມຮຸນແຮງຕໍ່ເດັກ, ການນຳໃຊ້ສື່ສັງຄົມອອນລາຍທີ່ປອດໄພ, ເຄັດລັບທີ່ປອດໄພສຳລັບເດັກ ໃນການເອົາຕົວລອດເວລາປະເຊີນໜ້າກັບໄພພິບັດ; ການປະຖົມພະຍາບານຂັ້ນພື້ນຖານ, ການໃຊ້ຖະໜົນທີ່ປອດໄພ, ການປ້ອງກັນການແຜ່ລະບາດຂອງພະຍາດໂຄວິດ-19 ແລະ ອື່ນໆ.

ໃນກິດຈະກໍາມີການນໍາສະເໜີເນື້ອໃນ, ສົນທະນາ ແລະ ຝຶກແອບການສອນ ໂດຍການນໍາສະເໜີຮູບພາບ ແລະ ບົດບາດສົມມຸດ. ການຝຶກອົບຮົມເນັ້ນເອົາເດັກເປັນໃຈກາງ ເພື່ອຮັບຟັງຄວາມຄິດເຫັນຂອງເດັກ ເປັນການຮຽນຮູ້ຜ່ານການຫຼິ້ນແບບມ່ວນຊື່ນ. ເຊິ່ງໂຄງການສ້າງຄວາມເຂັ້ມແຂງທາງດ້ານທັກສະຊີວິດໃຫ້ແກ່ເດັກນີ້ ໄດ້ຮັບທຶນສະໜັບສະໜູນ ຈາກ ມູນນິທິ ພຣູເດັນສ໌.

.