ໂຄງການສ້າງຄວາມເຂັ້ມແຂງດ້ານບົດບາດຍິງ-ຊາຍ ແລະ ການຮຽນຮູ້ດ້ານພາສາ ໃຫ້ແກ່ນັກຮຽນຊົນເຜົ່າໄດ້ຈັດກິດຈະກໍາຊຸມຊົນ ເພື່ອສົ່ງເສີມການມີສ່ວນຮ່ວມດ້ານການສຶກສາຂອງເດັກຍິງ ແລະ ຊາຍ ພາຍໃນບ້ານເປົ້າໝາຍຂອງໂຄງການ.
ຈຸດປະສົງຂອງກິດຈະກໍາແມ່ນເພື່ອສົ່ງເສີມການສຶກສາຂອງເດັກຍິງ ແລະ ຊາຍ, ແລະ ເພື່ອເປີດໂອກາດໃຫ້ເດັກນ້ອຍທຸກຄົນໃນຊຸມຊົນຢູ່ບ້ານເປົ້າໝາຍຂອງໂຄງການ ໄດ້ແບ່ງປັນນຄວາມຮູ້, ຄວາມສາມາດ, ທັກສະ ແລະ ມີຄວາມສະເໝີພາບກັນຮ່ວມກັນໃນຊຸມຊົນ.
ກິດຈະກໍາຊຸມຊົນ ໄດ້ຈັດຂື້ນທີ່ບ້ານເປົ້າໝາຍຂອງໂຄງການ ຄື 10 ບ້ານ ຢູ່ເມືອງຊໍາເໜືອ ແລະ 10 ບ້ານຢູ່ເມືອງສົບເບົາ ໃນໄລຍະ ເດືອນມິຖຸນາ ຫາ ເດືອນສິງຫາ ປີ 2022 ທີ່ຜ່ານມາ. ເຊິ່ງກິດຈະກໍາດັ່ງກ່າວ, ແມ່ນນໍາພາການຈັດຕັ້ງປະຕິບັດໂດຍເດັກ ແລະ ໄວໜຸ່ມໃນຊຸມຊົນຂອງພວກເຂົາເຈົ້າ.
