ອົງການຊາຍຟັນປະຈຳ ສປປ ລາວ ໄດ້ຈັດກອງປະຊຸມປະຈຳປີຂອງແຜນງານສຶກສາຂື້ນ
ເພື່ອເຮັດໃຫ້ການປ່ຽນແປງທີ່ດີຂຶ້ນໃນຂົງເຂດວຽກສຶກສາ, ພວກເຮົາຕ້ອງປັບປຸງຍຸດທະສາດການເຮັດວຽກຂອງພວກເຮົາ ແລະ ເຮັດໃຫ້ມັນມີປະສິດທິພາບຫຼາຍຂຶ້ນ. ໃນວັນທີ 15-16 ມັງກອນ 2023 ທີ່ ເມືອງ ຊຳເໜືອ, ແຂວງ ຫົວພັນ, ອົງການຊາຍຟັນປະຈຳ ສປປ ລາວ ໄດ້ຈັດກອງປະຊຸມປະຈຳປີຂອງແຜນງານສຶກສາຂື້ນ ໂດຍມີການເຂົ້າຮ່ວມຂອງ ຄະນະການນຳຂອງອົງການຊາຍຟັນ ປະຈຳ ສປປ ລາວ, ອົງການຊາຍຟັນອົດສະຕາລີ ແລະ ພະນັກງານຈາກແຜນງານສຶກສາ. ກອງປະຊຸມດັ່ງກ່າວໄດ້ຮັບການນຳພາການສົນທະນາ ໂດຍ ທ່ານ. ນ. ເຊີຣິວ ຈິນ, ຊ່ຽວຊານດ້ານວຽກສຶກສາ, ອົງການຊາຍຟັນອົດສະຕຣາລີ.
ກອງປະຊຸມດັ່ງກ່າວ ແມ່ນເພື່ອເປັນການທວນຄືນ ແລະ ປັບປຸງແຜນຍຸດທະສາດຂອງຂະແໜງການສຶກສາ ຂອງອົງການຊາຍຟັນ ປະຈຳ ສປປ ລາວ ໂດຍຜ່ານການສົນທະນາຮ່ວມກັນ ກ່ຽວກັບການດຳເນີນງານໃນໄລຍະຜ່ານມາ ແລະ ຖອດຖອນບົດຮຽນທີ່ໄດ້ຮຽນຮູ້, ສິ່ງທ້າທາຍຕ່າງໆ ແລະ ກຳນົດຍຸດທະສາດໃໝ ່ບົນພື້ນຖານການຮຽນຮູ້ດັ່ງກ່າວ. ເພື່ອໃຫ້ແທດເໝາະກັບຊຸມຊົນ ແລະ ຮັບປະກັນຕໍ່ຜົນທີ່ໄດ້ຮັບ ແລະ ຄວາມຍືນຍົງຂອງການດຳເນີນງານ.
