ນ້ອງໆນັກຮຽນຈາກ10 ໂຮງຮຽນເປົ້າໝາຍຕ່າງກໍ່ພາກັນຕື່ນເຕັ້ນ ທີ່ໄດ້ຮຽນຮູ້ສິ່ງໃຫມ່ໆໂດຍສະເພາະແມ່ນການອ່ານໜັງສືຜ່ານລະບົບດິຈິຕ້ອນ (ອຸປະກອນແທັບເລັດ)
ໂຄງການ Library For All (LFA) ຫໍສະໝຸດສຳລັບທຸກຄົນ ພາຍໃຕ້ການສະໜັບສະໜູນຈາກກະຊວງການຕ່າງປະເທດ ແລະ ການຄ້າອົດສະຕຣາລີ ໂດຍຜ່ານອົງການຊາຍຟັນ ປະຈຳ ສປປ ລາວ ໄດ້ລົງຕິດຕາມ ແລະ ປະເມີນຜົນກິດຈະກຳການອ່ານຂອງນ້ອງນັກຮຽນ ຊັ້ນ ປໍ1-3 ໃນ 10 ໂຮງຮຽນເປົ້າໝາຍ ພ້ອມທັງໄດ້ມອບແທັບເລັດ ແລະ ຫ້ອງສະຫມຸດອອນໄລນ໌ເພື່ອສ້າງຄວາມເຂັ້ມແຂງ ແລະ ຮັບປະກັນວ່ານ້ອງໆໄດ້ຮຽນຫນັງສືຢ່າງຕໍ່ເນື່ອງ ທີ່ ເມືອງ ຫົວເມືອງ, ແຂວງ ຫົວພັນ.
ນ້ອງໆນັກຮຽນຈາກ10 ໂຮງຮຽນເປົ້າໝາຍຕ່າງກໍ່ພາກັນຕື່ນເຕັ້ນ ທີ່ໄດ້ຮຽນຮູ້ສິ່ງໃຫມ່ໆໂດຍສະເພາະແມ່ນການອ່ານໜັງສືຜ່ານລະບົບດິຈິຕ້ອນ (ອຸປະກອນແທັບເລັດ) ທີ່ເຮັດໃຫ້ເຂົາເຈົ້າມີຄວາມສົນໃຈໃນການອ່ານນິທານທີ່ສີສັນ ແລະ ຮູບແຕັມຕ່າງງາມໆໆ ພ້ອມທັງຮຽນຮູ້ການອ່ານພາສາລາວທີ່ຖືກຕ້ອງ, ເຂົ້າໃຈຄວາມໝາຍໄດ້ງ່າຍ.
ນອກຈາກນັ້ນ, ເພື່ອເປັນການສົ່ງເສີມໃຫ້ເດັກນ້ອຍທຸກຄົນມີນິໄສຮັກໃນການອ່ານ ໂຄງການ Library For All ຈຶ່ງໄດ້ສ້າງອັບພິເຄຊັ້ນທີ່ຮວບຮວມປຶ້ມຫຼາຍກວ່າ 200 ເລື່ອງ ໃຫ້ທຸກຄົນສາມາດດາວໂຫຼດໄດ້ແລ້ວໃນ Google Play Store ໂດຍກົດຊອກຫາແອັບ “ອົງການ LFA ລາວ” https://bit.ly/3qeMb3H
.
